اورمو ایشچیلری :آراز نیوز:دؤرد آی بون‌دان اونجه زین‌دان‌دان
آزادلیگا بوراخیلمیش میللی فعال مجید خوش اختر آمریکانین سسینه موصاحیبه‌ده
تبریز حبس‌خاناسیندا اوزلشدیگی شرایط حاقدا دانیشیب. حاضردا تورکییه‌ده
سیاسی سیغینا‌جاق تاپمیش جناب خوش اختر ایرانین آلی دینی لیدری آیتوللاه
علی خامنه یی علیهینه مقاله یازماقدا و ایران دؤولتین قارشی تبلیغات
آپارماقدا اتهام اولونموشدو. ایلک اؤنجه ایرانین خصوصی خیدمت اورقانی
اولان ائتتالاتدا، داها سونرا ایسه تبریز مهبه‌سینده دوققوز آی قالمیش
میللی فال ایران آزربایجانیندا هبس اولونان سیاسی خادیم‌لرین “جیسمی و روحی
ایشگنجه‌لره” معروض قالدیغینی دئییر. "عائله مین قارشی‌سیندا منی هبس
ائدرکن تحقیر ائتدی‌لر، ووردولار. اوندان سونرا ائتتئالات ایداره‌سینده ده
منی خیلی دؤیدولر. عادتن گؤزوباغلی شکیلده دیندیریلیر، آرخا‌دان، بده‌نین
موختلیف ناهییه‌لرین‌د وورولوردوم،” دئیه خوش اختر ایسلام رئسپوبلیکاسیندا
هبس پروسئسینی ایضاح ائدیر. اونون
سؤزلرینه گؤره سیاسی مهبوس‌لار بیر قایدا
اولا‌راق نارکومان‌لارلا بیر کامرایا قویولور و بورادا ایکن اونلار
موختلیف خسته‌لیک‌لره یولوخماق تهلوکه‌سی ایله اوزلشیرلر. “آجینا‌جاق‌لی
هبس‌خانا شرایطینده هر 50 آداما 1 ناته‌میز آیاقیولو دوشور. یئمک یئییله‌سی
دئییل. هبس‌خانا مودیرلری رئستوران ایشله‌دیر ومهسبولاری اؤز
رئستورانلاریندان یئمک سیفاریش ائتمه‌یه مجبور ائدیرلر،” دئیه مجید خوش
اختر بیلدیریر.
هیچ نظری موجود نیست:
ارسال یک نظر