اورمو ایشچیلری :آزربايجان ايشچيلرينين يئنيلمز ساواش آپارانلاري شاهروخ بي زاماني و محمد بي جراحي جنابلارينا ايتحاف اولور
باشينا دؤندويوم قوربان اولدوغوم
دئييرسن ائوه گل من نجور گليم
گؤزل جمالينا حئيران اولدوغوم
دئييرسن ائوه گل من نجور گليم؟
اوزومو بير بئله دانلاما بسدي
بيليرسن فله‌کي ن ايشلري نس دي
گليرديم يولومو مانقولو کسدي
دئييرسن ائوه گل من نجور گليم؟
تبريز زيندانينين (لاگيرين) دؤوره‌سي چپردي واللاه
هريانا باخيرام خطردي واللاه
بوردان خلاص اولماغ هونردي واللاه
دئييرسن ائوه گل من نجور گليم؟
چپرين داليندا دوروب نيگهبان
قاباغدا اؤلوم آرخادا زيندان
قاداسين آلديغيم ياري مئهربان
دئييرسن ائوه گل من نجور گليم؟
اوزومو توتاندا قادير آللاها
دؤنور سسکي يالار عيبادتگاها
منه وصلين اولوب جانيمدان باها
دئييرسن ائوه گل من نجور گليم؟
آديم محمد دير اؤزوم ريياسيز
هلم چيخماميشام سنه وفاسيز
مني بوراخميگير توتان حياسيز
دئييرسن ائوه گل من نجور گليم؟
هیچ نظری موجود نیست:
ارسال یک نظر