اورمو ایشچیلری :یئنه ده فدرال ایران کونگرئسی آدی آلتیندا فعالیت گؤسترن و کورد ترور تشکیلات‌لارینین ماراق‌لارینا خیدمت ائدن بیر قورومدا آذربایجان تورک‌لری‌نین ازه‌لی تورپاق‌لاری اولان قربی آذربایجان بؤلگه‌سینه قارشی اراضی ادعا‌لارینین گوندمه گتیریلمه‌سی و بو قورومون رسمی سایتیندا گونئی آزربایجانین اراضی بوتؤو‌لوگونه کؤلگه سالان بیر خریته‌نین یئرلشدیریلمه‌سی آذربایجان تورکونه، اونون تاریخی تورپاق‌لارینا قارشی آپاریلان تخریبات پلان‌لارینین بیر پارچاسی‌دیر.
تصادفی دئییل کی، زامان-زامان کورد ترروچو تشکیلات‌لاری آذربایجان تورکونه اولان دوشمن‌چی‌لیگینی موختلیف آد آلتیندا بو کیمی چیرکین فعالیت‌لری ایله اورتایا قویموش‌لار. بو تخریباتین آرخاسیندا ان چوخ
فال اولان ترورچو تشکیلات‌لاردان بیری ایران کوردیستان دئموکرات پارتیاسی‌دیر کی، بو کیمی داورانیش‌لاری ایله هله ده آچیق و گیزلی فورمادا اؤز ادعا‌لارینی داوام ائتدیریر. بئله‌لیکله، میللت‌لرین میللی و دئموکراتیک حاق‌لارینین قورونماسی شواری ایله فالیت گؤسترن فئدئرال ایران کونقرئسی اصلینده کورد تشکیلات‌لارینین سیاسی پلاتفورموندا یئر آلان آنتی-آذربایجان سیاستینی حیاتا کئچیرن بیر تشکیلات‌دیر. بو تشکیلاتین رسمی سایتیندا دفعه‌لرله آزربایجانین غرب بؤلگه‌سی‌نین کوردلرین یاشادیغی اراضی کیمی گؤستریلمه‌سی فئدئرال ایران کونقرئسی‌نین هانسی مقصدله یارادیلماسینی آچیق شکیلده اورتایا قویور.
تأسف کی، فدرال ایران کونگرئسی‌نین آنتی-آذربایجان ماراق‌لارینا قوللوق ائتدیگینی بیله‌رک بو قورومدا فعالیتینی داوام ائتدیرن بیر سیرا آذربایجان‌لی قوروم و شخص‌لر، نه اینکی بو مقسدیؤن‌لو تخریبات‌لارا رسمی مؤوقئ بیلدیرمیرلر، اوسته‌لیک ایسرارلا اونلارلا امکداشلیغا حاق قازاندیریرلار. حتی اونلارین بو یانلیش مؤوقئ‌لرینه ائریتاز ائدن آذربایجان میللی تشکیلات و قوروم‌لارینا قارشی موختلیف یئرسیز اتهام‌لار سسلندیریرلر. عینی زاماندا بو گونه کیمی فئدئرال ایران کونگرئسینده تمسیل اولونان بعضی آذربایجان‌لی فئدئرال‌چی قوه‌لرین گونئی آزربایجانین سرحدلرینه قئیری-مویین موناسیبتی، امکداش‌لیق ائتدیک‌لری کورت تئررورچو تشکیلات‌لارینی آنتی-آذربایجان فالیت‌لرینده جسارتلندیریر. ظاهرده ایران فئدئرال کونقرئسی‌نین فالیتی میللت‌لرین اؤز موقددراتینی تعیین ائتمک و میللی-دئموکراتیک حاق‌لارین تعمین اولونماسی کیمی تعریف اولونسا دا، اصلینده بو قورومدا باشدا کوردیستان دئموکرات پارتیاسی اولماقلا دیگر کورد تشکیلات‌لارینین آپاردیغی سیاست ایران آدلانان اؤلکه‌ده قئیری-فارس میللت‌لرین واهید گوج مرکزی کیمی فورمالاشماسینا قارشی‌دیر. بو کیمی تخریباتیؤن‌لو و ایکی‌لی سیاست آچیق شکیلده گؤستریر کی، فئدئرال ایران کونقرئسی فارس فاشیزمینه قارشی قئیری-فارس میللت‌لرین بیرگه موباریزه‌سینده ماراق‌لی دئییل. اونلار یالنیز آزربایجانین آیریلماز حیسه‌سی اولان قربی آذربایجانا قارشی اراضی ادعا‌لارینین گئرچکلشدیریلمه‌سی ایستیقامتینده فالیت گؤستریرلر.
فئدئرال ایران کونگرئسینده تمسیل اولونان بعضی آذربایجان‌لی قوروم و شخص‌لرین بو گونه کیمی ایسرارلا بو تشکیلاتدا قالما‌لارینا تکید ائتمه‌لری و بونون گویا ایران آدلانان اؤلکه‌ده فئدئرال بیر یاپینین یارادیلماسی اوچون زروری اولدوغونو وورغولاما‌لاری آیریجا تاسف دوغورور. دیگر طرف‌دن بو قورومدا تمسیل اولونان بعضی آذربایجان‌لی شخص‌لر آذربایجان تورکونون میللی و دئموکراتیک ماراق‌لارینا ضد اولا‌راق فارس مرکزلی قوروم‌لارین دوزنلدیگی اوتوروم‌لاردا میللتیمیزین الئیهینه یؤنلمیش بیانات‌لارین وئریلمه‌سینده ایشتیراک ائدیرلر و فارس‌لار اونلارین بو ایران‌چی مؤوقئیینی آزربایجانین مؤوقئیی کیمی تبلیغ ائدیرلر. هالبوکی، آذربایجان تورکونون آپاردیغی میللی آزادل‌لیق موباریزه‌سی موستقیل میللی دؤولت‌چی‌لیک و اراضی بوتؤو‌لوگو اوغروندا‌دیر و بونون هر هانسی فورمادا شوبهه آلتینا آپاریلماسی یولوئریلمزدیر.
گونئی آذربایجان میللی آزادلیق جبهه‌سی میللی هدف‌لریمیز دوغرولتوسوندا فالیت گؤسترن قوروم اولا‌راق بیلدیریر کی، گونئی آزربایجانین تاریخی اراضی بؤتؤو‌لوگو توخونولمازدیر و اراضی‌لریمیزه قارشی آپاریلان یئرسیز ادعا و هر هانسی تخریبات آذربایجان میللی قوه‌لری‌نین کسکین مؤوقئیی ایله جاوابلان‌دیریلا‌جاق.
بیز گاماج اولا‌راق هم ده فئدئرال ایران کونگرئسینده تمسیل اولونان بعضی آذربایجان‌لی قوروم و شخص‌لردن طلب ائدیریک کی، اورادا تمسیل اولونان آذربایجان دوشمن‌لری‌نین تخریباتیؤن‌لو پلان‌لارینا جدی اعتراض ائتسین‌لر و آذربایجان میللتینه قارشی ساواش اعلان ائتمیش بو قوروم‌دان تئزلیکله آیریلسین‌لار. وطنیمیزه و تورپاق‌لاریمیزا گؤز تیکن، اونو ایشغال آلتیندا ساخلاماغا جهد گؤسترن ایستنیلن قوه بیلمه‌لی‌دیر کی، بیز میللت اولا‌راق وطنیمیز آزربایجانین آزادلیغی و اراضی بوتؤو‌لوگو یولوندا دوشمنه قارشی هرترف‌لی موباریزه آپارماغا قادیریک.
گونئی آذربایجان میللی آزادلیق جبهه‌سی
22.2.2012
هیچ نظری موجود نیست:
ارسال یک نظر