اورمو ایشچیلری :بو سؤزلري گون.آز-آ آمئريکادان گونئي آذربايجان سوسيال و مدنيت آراشديرمالار مرکزينين صدري، پوليتولوق داوود توران تورکمه‌نيستان و آذربايجان آراسيندا باش وئرن گرگينليکده ايرانين رولونو شرح ائدرکن بيلديريب. "عوموميتله ايرانين ايکي قارداش اؤلکه آراسيندا پروبلئمين قيزيشماسيندا ماراقليدير. بو گون تورک بيرليگينين قورولماسي ايراني چوخ ناراحات ائدير. محض، ايران ديگر تورک دؤولتلرينين آذربايجانلا موناسيبتلرينين کورلانماسي اوچون گئجه-گوندوز چاليشير و بو ايستيقامتده فعاليتلر گؤسترير. تورکمه‌نيستان-آذربايجان آراسيندا پروبلئمين يارانماسيندا ايرانين ايزي ايله باغلي سسلنن فيکيرلر رئال اولا بيلر. همچنين، تورکمه‌نيستان و آذربايجان آراسيندا اولان پروبلئم ايرانين الينه دوشموش فورصت کيمي ديرلنديرمک اولار. ايکي قارداش اؤلکه احتياطلي و تمکينلي سيياست يوروتمه‌ليديرلر" ،- دئيه پوليتولوق قئيد ائديب. داوود توران اونو دا بيلديريب کي، ايکي قارداش اؤلکه آراسيندا يارانان پروبلئم قيسا مودت عرضينده يولونا دوشه‌جگيني بيلديريب. "حاضيردا هر ايکي قارداش دؤولت تورک بيرليگينين يارانماسي اوغروندا بيرگه چاليشمالاريني سورعتلنديرمه‌ليديرلر. هانسيسا منفي حاللار يالنيز بيزي ايستمه‌يهن قوووه‌لري سئوينديره بيلر" - دئيه د.توران وورغولاييب.
هیچ نظری موجود نیست:
ارسال یک نظر