۱۳۹۰ بهمن ۸, شنبه

یوروویژن موسابیقه سی باشیمیزین بلاسی اولماسین - اورمولو تایماز

اورمو ایشچیلری : بیلدیغینیز کیمین بو سه نه یوروویژن موسیقی یاریشماسی شومالی آزربایجانین باش کندی باکیدا گچیریله جه ک و اومید اولونور بو بویوک میللت لرآراسی اورگانیزاسیون ان بویوک رول اولکه میزین دونیادا تانیلماسیندا اویناسین . آمما نه یازیق کی دیقه ت سیزلیک و بویوک ایشلری کوچوک اینسانلارا تابشیرماق  کی بیزده قدیم بیر خسته لیک دیر بو که ز دا باشیمیزا بلا آشا بیله ر. یورو ویژنین رسمی سیته سینده آزربایجانی تانیدان بولوم ده ساچما ، ساپان ، یالان و یالنیش بیلگیلره وریلمیشدیر. بو سیته کی اینگلیز دیلینده
دیر عجبا کیم و یا کیملر طرفیندن یازیلیب دیر. بو یازیدا ماراقلی نوکته لر وار و قید اولونوب کی آزربایجانین دیلی آزربایجانجا دیر و چوخ زامان اوردا تورک و روس دیللری ایستیفاده اولوب آنجاق خالق موسلمان شیعه دیر( و دیللری تورکجه یوخ بلکه )آزربایجانجادیر.و تورکمن چای موقاویله سین تورکیه ، روسیا و ایران آراسیندا ایمضا اولوبودور. و ان وهیمی آزربایجانلیلار کوک و اتنیک جهت دن مادلاردان که گویا بوگون مودرن کوردلر اونلاری تمثیل ائدیرلر تشکیل اولونورلار. هچ بیر سوز جنوبدان گچمه ییب و
گولمه لی بوکو آزربایجانلیلار آلمانجا ، اینگلیزجه و عربجه دانیشیرمیشلار.  ددییم کیمین بویوک ایشلری کوچوک آداملارا ورسه ن اله به له اولار. ان خوش گورولو باخیمدا بو یازینی بیلیمسیز بیریسی یازیب و اگر بیر آز شوبهه لی باخساق دیه بیله ریک بو یازی اللی ، آلتمیش ایل اونجه موللا موصطافا بارزانیلا عیراقدان گچمیش سووتلره گچه ن و نخجوواندا ساکین اولان کوردلر طرفیندن یازیلیب وبو تانیتیمی بویوک بیر سیزما آزربایجان دوشمانلارینی طرفیندن دیه ر له ندیرمک اولا بیله ر.بو یازی تمامن پان فارسیسمین تبلیغ اتدیگی تاریخدیر و یاخیندان اوزاقدان دوغرو تاریخله ایلگیسی یوخدور. هم وطن لردن ایسته ییرم کی بو یازییا تبکی گوسته ریب و بو سهوین دوزلمه سین ایسته سینلر. بو ایسته ک یازی یازماق و تبکیلری آزربایجان بویوک ائلچیلری ، یوروویژن اورگانیزاتورلاری و میللت وکیل لرینه ایکاز نامه لریله یازماقلا اولا بیله ر. اونوتمایاق کی میلیونلار اینسان یورو ویژنی تعقیب ائدیر و بو یازینی اوخودوقلاریندا یالنیش و سهو تاریخله کی بیزیم دوشمانلاریمیزطرفیندن  تبلیغ اولونور زهیر لنه جک لر. لوطفن دویارسیز قالمایالیم . بو تانیتیمین لینکین بوردان اوخویون : 
http://www.eurovision.tv/page/baku-2012/about/azerbaijan

هیچ نظری موجود نیست:

ارسال یک نظر