سون
گونلر ايران ايقتيصادي دورومون داها دا پيسلشمه‌سي ايله گوندمده‌دير.
سياسي تحليلچيلرين فيکرينه گؤره، ايرانا تطبيق ائديلن سانکسييالار آرتيق
نتيجه وئرير. ايران پولونون سورعتله ديردن دوشمه‌سي وضعيتي داها دا
گرگينلشديريب.
داخيلده
دوروم دا گرگين اولاراق قالير، حتّي سون گونلر عرضاق محصوللارينين
باهالاشماسينا اعتيراض اينسانلارلا پوليس
آراسيندا قارشيدورما دا اولوب. بو
و ديگر مسئله لرله باغلي ايندي موختليف معلوماتلار گلمکده‌دير. بس
اصلينده ايراندا نه باش وئرير؟
بوتون
بو مسئله لره آيدينليق گتيرمک مقصديله اصلا گونئيلي سويداشلاريميزلا
صؤحبتيميزي داوام ائتديره‌جگيک. "هفته ايچي"نين بودفه‌کي قوناغي آمئريکا
بيرلشميش شتاتلاريندا (ابش) فعاليت گؤسترن آذربايجان ميللي ديره‌نيش
تشکيلاتينين سؤزچوسو داوود توران دير.
-
ايراندا سون زامانلار باش وئرن مسئله لر بو گونون، دونه‌نين مسئله سی
دئييل. بو اوزون بير پروسئسدير کي، نتيجه‌سيني بو گونلرده آچيق شکيلده
گؤروروک. حاکيميت لئگيتيم بير حاکيميييه اولماديغي و زوراکليقلا اؤز
وارليغيني داوام ائتديرديگي اوچون هم ايرانين ايچرسينده‌کي گوجلر، هم ده
بين الخالق قوروملارين تزييقي نتيجه‌سينده چتين گونلريني ياشاماقدادير.
رئگيوندا جيدي دييشيکليکلر گئده‌جک. ايران دا بو مسئله دن اؤزونو
قورتارماق اوچون آتوم بومباسينا جهد ائدير. چونکي ايران حاکيميتي ياخشي
بيلير کي، دئموکراتيک شراييطده او، اؤز وارليغيني داوام ائتديره بيلمز. بو
دا ايستر-ايسته‌مز ايران ايقتيصادياتينا تاثير ائدير. خالق دا بللي بير
زامانا قدر بو چتين شراييطه دؤزه بيلر. چونکي آرتيق باهالاشماني نظارتده
ساخلاماق مومکونمسوزدور. هر گون دوللارين ديري قالخير، ايران پولو ايسه اؤز
ديريني ايتيرير. بونون اطرافيندا دا ايراندا حاکيميت ايچريسينده ده فيکير
آيريليقلاري باش وئريب. بير زامانلار ايرانين ان موهوم سيياستچيسي و
تاثيرئديجي موللاسي اولان رفسنجانينين ايکي اؤولادي ايندي حبس ائديليب.
احمدينژادين معاويني ده حبسده‌دير. ايران ايچرسينده‌کي بو قارماقاريشيقليق
حاکيمييتين اؤز ايچريسيندن ده چؤکدويونون گؤستريجيسيدير.
- بونو ايرانا تطبيق ائديلن سانکسييالارين نتيجه‌سي کيمي ديرلنديرمک اولارمي؟
-
البتته سانکسييالار اؤز نتيجه‌سيني بللي بير مودت سونرا گؤرستمه‌يه
باشلادي. داها اؤنجه ايسه سانکسييالارين نتيجه وئرمه‌ديگي دئييليردي. آما
آوروپانين نئفت سانکسيياسيندان سونرا آچيق شکيلده بيز، ايران
ايقتيصادياتيندا سانکسييالارين تاثيريني گؤرمه‌يه باشلاديق. چونکي ايران
ايقتيصادياتي نئفته باغليدير. اورادا گئنيش صنايعنين اينکيشافي يوخدور. بو
ايرانين ايشيني چتينلشديردي. آرتيق ايرانين يوکسک وضعيفه‌لي رسميلري ده
سانکسييالارين تاثيريندن دانيشمايا باشلاييبلار. سوندا احمدينژاد اؤزو ده
بونو ديله گتيردي. بوندان سونرا ايرانين قارشيسيندا ايکي يول گؤرسه‌نير، يا
گئري آدديم آتمالي و ايقتيصادياتيني قورتارماق اوچون قربين دئديگينه قولاق
آسمالي، يا دا اؤز ايسته‌ديگيني ائديب تاماميله قاپالي بير اؤلکه حالينا
دوشمه‌ليدير. آما ايراندا ياشايان توپلومون باغلي جمعيته چئوريله‌جگيني
قبول ائده‌جگيني احتيمال ائتمک چتيندير. بو گونلرده ايرانين قازينا دا
سانکسييالارين قويولاجاغي دئييلير. اگر بو دا گئرچک اولارسا، او زامان
ايرانين ايقتيصادياتي کؤکوندن باتاجاق و دؤولتين چؤکمه احتيمالي چوخالاجاق.
ايران ايچريسينده گوناهکار اولاراق احمدينژاد گؤستريلمه‌يه چاليشيلسا دا،
اصلينده بو، ايران دؤولت سيياستينين نتيجه‌سينده اورتايا چيخان مسئله دير.
بونون مسئوليتي ده عالي ديني ليدئر خامنه اي نين اوزرينه دوشور.
- گونئي مسئله سینين آبش کونقرئسينده سسلنمه سي نه وعد ائدير؟
-
کونقرئسمئن دانا روهراباخئرين آبش کونقرئسينده ائتديگي تکليفده گونئي
آذربايجان مسئله سینده دستک و اونلارين رئفئرئندوم يولو ايله اؤز
گله‌جکلريني موعينلشديرمه‌سي دئييلير. کونقرئسمئن دانا روهراباخئر ايلک
دفعه اولاراق گونئي مسئله سیني جيدي شکيلده آمئريکا گوندمينه گتيرمک
ايسته‌يير. گونئي آذربايجان رئالليغي آمئريکا جمعيتينين گوندمينه گه‌لرس،
فيکريمجه، اوغورلو اولاجاق. چونکي اورادا جيدي بير اينسان هاقلاري
پوزونتوسو وار. البتت، روهراباخئره قارشي فارس دياسپورو حرکته کئچيب. اونا
يانليش معلوماتلار وئره‌رک فيکريندن دؤندرمه‌يه چاليشيرلار. بيز ده
آذربايجان دياسپورو اولاراق بو کونقرئسمئنه دستک و معلومات مکتوبو
حاضيرلاياراق گؤندرمگي پلانلاشديرميشيق. بو مثلاي دونيا سويييه‌سينده
ايشاقلانديرماق و تبليغ ائتمک لازيمدير. بئله دوشونورم کي، بوندان سونرا
رئگيونا ياناشمادا گونئي آذربايجان مسئله سی دايم ديقتده اولاجاق. چونکي
گونئي آذربايجان تورکلري جمعيت باخيميندان ايران ايچريسينده گوجلودورلر و
اونلار ايستمه‌دن او رئگيوندا بير دييشيکليک گؤزله‌مک چتيندير. آبش دا
گونئي پروبلئميني ياخيندان گؤررسه و حقيقتي باشا دوشرسه، او زامان هر ايکي
طرف اوچون ده خئييرلي اولاجاق.
- گونئيله باغلي تشکيلاتلارين فعاليتي سيزي قانع ائديرمي؟
-
گونئي آذربايجانلا باغلي گونوموزده ايرانين داخيلينده و خاريجينده بير چوخ
تشکيلات فعاليت گؤسترير. ائله اونلاردان بيري ده منيم سؤزچوسو اولدوغوم
آذربايجان ميللي ديره‌نيش تشکيلاتيدير. گونئي حرکاتي 1990-جي ايللردن سونرا
سياسي لشديگي اوچون سياسي تشکيلاتلاريميز دا او ايللردن سونرا اورتايا
چيخيبدي. بو قيسا زامان ايچريسينده هله ده گؤزله‌نيلديگي قدر گوجلنمه‌ييب.
بو مسئله بيزيم هله ده خاريجده
سياسي تشکيلاتلاريميزين اؤزونو تاپماماسيندان قايناقلانير. آذربايجان سياسي
تشکيلاتلاري سون 15 ايلدير کي، فعاليته باشلاييبلار. گونئيله باغلي
تشکيلاتلارين جيدي شکيلده فعاليتي ده ائله او تاريخدن باشلاييب. سياسي
تشکيلاتلارين فعاليت گؤسترمه‌سي اوچون ايلک نؤوبه‌ده جيدي بير سيستئملي
پروقرام، ايکينجيسي ايسه اونون ايقتيصادي قايناقلاريدير. بو مسئله لر
اولمادان سياسي تشکيلاتلاردان بير چوخ شئي گؤزله‌مک ده دوغرو دئييل. ميثال
اوچون، بيزيم آذربايجان ميللي ديره‌نيش تشکيلاتي خاريجده اؤزونو داها يئني
آچيق بير شکيلده اورتايا قويور. حساب ائديرم کي، زامان کچديکجه، گونئيله
باغلي فعالييت گؤسترن آذربايجان سياسي تشکيلاتلاري داها گوجلو فعاليته
کئچه‌جکلر. گونئي مسئله سی بوندان سونرا داها چوخ گوندمه گله‌جک. قونشو و
قارداش اؤلکه‌لريميز اولان آذربايجان و تورکييه‌نين اوزرينه بو ايستيقامتده
بؤيوک وضعيفه دوشور. گونئيين سسيني ائشيتمه‌ليديرلر. اورادا اونلارين
دوغما قارداشلاري ياشاييرلار. هله ده سعيد متين پور ايللردير آزادليقدان
محروم ائديليب. بو گون گونئي حقيقتيني گؤرمه‌يه نلر صاباح اونون طالعيينين
حلل اولونماسيندا يئر آلا بيلميه‌جکلر. اونا گؤره ده بو دؤولتلرين خاريجي
سيياستلرينده گونئي حقيقتلرينه ديقت يئتيرمه‌لري ضروريدير.
علي زولفوقار اوغلو
داوود توران
هیچ نظری موجود نیست:
ارسال یک نظر