قلملر سوسور وطندن یازاندا ! - چلبیانلی بابک

اورمو ایشچیلری : وطن اوچون چیرپینان اورکلر دایاندیریلیر بیزیم اوئلکده آزادلیق آرتیق طورمه لرده یاشانیر .کیمیسی بیر تیکه چورک دالیسیجا دیدرگین دوشوب کیمیسی جلای وطن اولوب کیمیسی صاباحدان نیگران ایظطرابدا یاشییر کیمیسی....

ائله بیل زامانا دییشیب اینسانلار اوز اولومولرینی ماراخلا سئیر ائدیر وطن داغیلیر،دیللر کسلیر ،غیرت یوخ اولوب، شرافت اونودولوب ،ویجدانلار اویوب ، گوزلر کور، دیللر لال قولاقلار ایسه ائشیتمیر قورخورام بئله گئدیرسه یاس توتانیمزدا اولمییا...!

هانی اوشانلی تاریخیمیز هانی او قهرمان ایگیدلر هانی بابکلر، ستارلار ،حیدرخانلار ،پیشه وری لر هانی هانی هانی....؟؟؟ یوخ منده بیر چوخلاری تک یانیلیرام بیزلر هر زامان قهرمانلاری اولولریمیزیدن سئچمیشیق حیاتا ایکن گوره بیلمیریق یا گورمک ایستمیریق؟!
وطن یئیه وای دئیه سسله ییر بیز ایسه بیر بیریمیزه ...

هاردادیر بس بیزیم ائلین اوغوللاری؟! وطن اوغولسوز اولماز آخی دیرلر... دوغرودور اونلار وطنده وطنسیز اونلار

وطنده وطندن محروم اونلار وطنده محبوسدولار.
بوگون سعیدلر یاغی زیندانلاریندا یازماغا قلم تاپابیلمیرلر ، محمد اسکندر زاده او وطن سودالیسی بیر گنج ،ساراب قوچاقلاری سهند ،معالی ،دوکتور موسوی نژاد،گنج و سویملی فردین بئی مورادپور تورمه ده گوزلری ایشیق دان دوشوب . وحید،حبیب حبیب، نادیر بدلی،یونیس آغایون،داریوش پروانه،هاشیم میرزاده،مسعود حسن زاده و.... زیندان دوورالاریندا "ارومو گولو" نو حک ائدیرلر بیز ایسه!!!

گوره سن سعیدین،فردینین ،وحیدین، ممدین و.... اوزونه نئجه باخجییم منی باغشلیاجاقلارمی؟! ندن سوسموشوق؟ ندن یازمیریق؟ ندن دانیشمیریق ندن؟ بس وطن بورجوندان ،یولداشلیق پاییندان ،اینسان حاقلاریندان و.... بیزه دوشن ندیر؟؟؟