اورمو ایشچیلری :گونئي آذربايجان ميللي - آزادليق حرکاتي آذربايجان تورکلرينين ميللي حاقلارينين برپاسي اوغروندا موباريزه آپارارکن، چاغداش دونيانينين سوسيال – سيياسال حياتينين اساس آماجينا چئوريلميش دئموکراسي اوغروندا موباريزه‌دن ده کنارا قالماميشدير!!!
ميللي – آزادليق حرکاتيميز گونئي آذربايجان تورکلرينين ايلکين اينساني حاقلارينين برپاسي ايله برابر اؤز موقددراتيني تعيين
ائتمه حوقوقونا ال تاپماقلا چاغداش دونيايا اينتئقراسييا ائتمه‌يه يورومکده‌دير...!!! ايکي جبهه ده موباريزه‌نين قلبه‌سيني، ميللي کيمليک اوغروندا موباريزه ايله دونيايا اينتئقراسيياني، محض دوشونجه طرزينده بيرلشديرمکله الده ائتمک مومکوندور. ميللي – آزادليق حرکاتي اؤنجوللري قئيد ائديلن ضرورتلري تام آنلامي ايله درک ائتديکلرينه گؤره دئموکراسي و پلورليزم دوشونجه‌لريني، حرکاتين يئنيدن ديرچلمه‌سي آنيندان اؤزلرينه رهبر سئچميشلر...!!! يالنيز حقيقي کيمليک اوزرينده قورولاجاق آزاد جمعييتيميزين دونيايا اينتئقراسيياسينين دوزگون يولو، قئيد ائديلديگي کيمي دئموکراسي و پلوراليزمدن کئچير...!!!
ايييرمي ايلدن چوخ بير زامان کسيمينده، ديناميکي بير حرکت ده بولونان ميللي – آزادليق حرکاتيميز، چاغداش دونيانين آنلاييشلاريني منيمسه‌يه بيلديگي اوچون تام باجاريقلا يئني بير نسلي ده فورمالاشديرا بيلميشدير. حرکاتين اساس فيکير داشيييجيسي و ان اؤنملي آپاريجيسي اولان همين نسل، ميللي حاقلاري تام وارليغي ايله درک ائتديکلري ايله برابر چاغداش دونيانين اؤزلليکلري کيمي دئموکراسي و پلوراليزمي حيات طرزينه بئله چئويرميشلر...!!!
ميللي – آزادليق حرکاتي ماهييت اعتيباري ايله ميللي بير حرکات اولدوغوندان، جمعييتين بوتون لايلاريني اؤزونه جزب ائتمه‌ليدير! جمعييتين بوتون سينيفلاري و لايلاري ايسه حرکاتا جلب ائديلديکه نورمال اولاراق چوخ سايلي فيکير و دوشونجه‌لرين اورتايا چيخماسيني ساغلاماقدادير!!! چوخ چئشيتلي دوشونجه‌لر حرکاتين داخيلي زنگينليگي حساب ائديلمکله برابر هر بير دوشونجه‌نين آيريليقدا نورمال اينکيشافي ياراديلاجاق آزاد جمعييتيميزين اؤنملي تمللري حساب ائديلمه‌ليدير...! آنجاق کلاسيک موباريزه آلانلاريندان حرکاتيميزا قوشولموش بعضي دايره‌لر و شخصييتلر حرکاتين ياراتديغي نسيلدن فرقلي اولاراق کئچميش کلاسيک دوشونجه‌لرده فورمالاشميش دوشونجه سيستئملرينه داياناراق حرکاتيميزين موباريزه آلانين دا شخصييتپرستليک و تک دوشونجه‌ليک ايدئالاريني يايماغا جهد گؤستريرلر...!!!
دئموکراتيک موباريزه اوصوللارينا دعوت حرکاتي (د.م.او.د.ح)، گونئي آذربايجان ميللي – آزادليق حرکاتينين آيريلماز بير پارچاسي اولاراق، شهريور قييامي ايله باشلانان دؤورو حرکاتيميزين تعيين ائديجي بير دؤورو کيمي ديرلنديرير و مئهر آيينين9-یندان باشالاناجاق عوموم ميللي حرکاتلرين اساس گؤستريجيسيني توتاليتاريزم و کلاسيک دونيادان قالميش دوشونجله‌دن آيريلماق دا گؤرور...!!!
اورمو گؤلونون مقصدلي قورودولماسينا قارشي باشلاديلميش شهريور قييامي ميللي – آزادليق حرکاتيميزين منطيقي و ديناميکي اينکيشافي سونوجو اولاراق گونئي آذربايجان تورک ميلتينين بوتون لايلارينا ياييلماسيني خاراکتئريزه ائدير. جمعييتيميزين بوتون لايلارينا ياييلميش حرکاتيميزين قلبه يولو ايسه يالنيز دئموکراسي و پلوراليزم آنلاييشلارينين دوزگون ديرلنديرمه‌سيندن کئچير...!!!
حرکاتيميزين شهريور قيياملاري ايله باشلانميش يئني فازاسي، حرکاتين ايران آدلي اؤلکه داخيلينده آلتئرناتيو بير گوج اولاراق دونيايا ائلان ائديلمه‌سيدير! يئني فازا، حرکاتيميزين حقيقي آنلامدا سياسي بير موباريزه‌يه جلب ائديلمه‌سي گؤستريجيسيدير!!! بئله اولان حالدا بوتون قوروملار و شخصييتلريميزي ايسترسه ايچده و ايسترسه ديشدا آييق اولمايا چاغيريريرق. حقيقي آنلامدا سياسي موباريزه شخصييتپرستليکدن، شانتاژ و شخصييت تئروروندان اوزاق دورماسي ايله تعريف اولونور. دئموکراسي و پلوراليزم دوشونجه‌ليري آرتيق حرکاتيميزين احتيياجي اولا بير حقيقتدير...!!!
جسارتله! اوجا بير سسله! "گونئي آذربايجان تورک ميلتينين گله‌جگي، يالنيز گونئي آذربايجان تورک ميلتينه عاييددير" دئييرک!!! و ميللي حرکاتيميز دا ياييلماق دا اولان شخصييت پرستيليي، شخصييت تئرورونا، آنتي- دئموکراتيک هزف ائتمه جهدلرينه بير يئرده دور دئييريک...!!! بؤيوک وولکان اؤزونه قاييديب!!! اؤزونه قاييدارکن، آدديم – آدديم ايتيرديکلريني آنارکن بير عوصيانا چئوريلير...! بير هايخيرييا...!!! و گون او گوندور کي هامي بير يئرده تکرار ائتمه‌لي: گله‌جک بيزيمدير...!!!
http://demokratikprensibler.blogspot.com
هیچ نظری موجود نیست:
ارسال یک نظر