اورمو ایشچیلری :
گونئی آذربایجان میللی حرکاتی گوج‌لنه‌رک داوام ائتمکده‌دیر. میللی حرکت هم گونئی آذربایجاندا گئنیشلمکده هم ده خاریجی اؤلکه‌لر گؤزونده اهمیتی درک ائدیلمه‌یه باشلانمیش‌دیر. گونئی آذربایجان میللی حرکتی تاریخی آرزولارینی حیاتا کئچیرمک و آذربایجان‌لی‌لارین اقتصادی، سیاسی و ایجتیمایی سعادتینی هدفلمیش‌دیر. بو هدف 1906 مشروطیت اینقیلابین‌دان گونوموزه قدر موباریزنین اؤن پلانی اولموش‌دور.
گونئی آذربایجان میللی حرکاتی آذربایجان خالقینین ایقتیسادی، سیاسی، ایجتیمایی سعادتینی هدفلدیگی یولدا چوخ جدی هزینه‌لر وئرمیش‌دیر. بو موباریزه راحت شرط‌لرده اورتایا چیخمامیش و بو گون گلدیگی نوقطه‌یه ده آسان گلمه میش‌دیر. هامیمیز بیلیر کی، هله موباریزه‌نین ان آغیر و قان‌لی-قادا‌لی گون‌لری قارشیدا‌دیر. چونکو
دوشمن‌لرله سون و نهایی موباریزه گونو گلمه میش‌دیر؛ گونوموزدکی حادیثه‌لره باخدیقدا، او گون‌لر چوخ دا اوزاقدا دئییل.گونوموزدکی حادیثه‌لره اساس‌لانا‌راق گونئی آذربایجانین تاریخی و حسساس بیر مرحله‌دن کئچدیگینی گؤرمک چتین دئییل. بو آغیر و چتین گون‌لرین موطلق ظفره یئتیشمه‌سی اوچون میللی حرکتیمیزین بوتون ایستیقامتده حاضر اولماسی واجیب شرط‌لردن‌دیر. بو ایستیقامتده میللی تشکیلات‌لار و سیاسی فعال‌لار بیرلیک مسله‌سینی گوندم‌لرینه آلما‌لی و بوتون انرژی‌لرینی عینی ایستیقامته یؤنلندیرمه‌لی‌دیرلر؛ چونکی، میللی بیرلیک اولمازسا نتیجه آلمامیز مومکون دئییل‌دیر.
میللی بیرلیگی‌نین یارانماسی اوچون تشکیلات‌لار و اینسان‌لاریمیز آراسیندا دئموکراتیک موبارزه پرئنسیپ‌لری قبول ائدیلمه‌لی و میللی حرکتیمیز ایچینده سیاسی رقابت دئموکراتیک پرئنسیپ و اخلاق چرچیوسینده اولماسی گرکمکده‌دیر. دئموکراتیک موباریزه پرئنسیپ‌لری و سیاسی اخلاقین هر کس طرفین‌دن قبول ائدیلیب ایجرا ائدیلمه‌سی میللی حرکتیمیزی راحت و آسان یوللا نتیجه‌یه آپارجاق‌دیر. دئموکراتیک موباریزه پرینسیپ‌لری و سیاسی اخلاقین مورعات ائدیلمه‌سی بیزیم هم تشکیلات‌لاریمیزی هم ده اینسانی ظرفیت‌لریمیزین آرتماسینا و میللی حرکتیمیزین گوجونون تصاعدی اولا‌راق آرتماسینا یول آچاجاغی بل‌لی‌دیر. هامیمیز بیلیریک کی، بیر حرکتین اورتایا چیخماسی و هدفلدیگی نائیلیت‌لره یئتیشمه‌سین‌دکی ان اؤنم‌لی عامل‌لردن بیری‌سی او حرکتین اؤز سیاسی پارتی‌لرینی، فعا‌لارینی قوروما و صاحب چیخما مسئله سی‌دیر؛ هئر بیر میللی فعال و سیاسی تشکیلات آذربایجان میللی حرکتی اوچون بیر ثروت ساییلیر و اونلارین قورونماسی شرط اولا‌راق قارشیمیزا چیخماقدا‌دیر.
میللی حرکتیمیزده بیرلیگین ساغ‌لیق‌لی شکیلده جریان ائتمه‌سی اوچون صاحب اولدوغوموز آز سایی‌داکی مئدیا ایمکان‌لاریمیزین تعقیب ائتدیگی سیاست اساسی اهمیت داشیماقدا‌دیر. تاسسوف‌لر اولسون کی، بیرلیک و وحدتین مرکزی اولماسی گرکن بعضی مئدیا منسوب‌لاریمیز ایختیلاف و نیفاقین مرکزینه چئوریلمه‌یه باشلامیش‌دیر. سون گون‌لرده بعضی مئدیا گوروب‌لاریندا گونئی آزربایجانین تشکیلات‌لارینا، قزئتجی‌لرینه، آغساقال‌لارینا و دوشونجه صاحب‌لرینه سبب‌سیز و اخلاق دیشی سال‌دیری‌لار باش وئرمه‌سی بیزی درین‌دن یارالامیش‌دیر؛ بو سال‌دیری‌لارین میللی حرکت اوچون بؤیوک ضررلر دوغوراجاغی بل‌لی‌دیر. میللی بیرلیک و بوتون‌لوگو بوگونکو شرط‌لرده پوزماق و میللی حرکتیمیز ایچری‌سینه ایختیلاف سالماق و ظرفیت‌لریمیزی ان آغیر دیلله تخریب ائتمک میللی حرکاتیمیز اوچون هئچ بیر فایدا وئرمیه جه یی آشیکاردیر.
گونئی آذربایجاندا دوام ائدن موباریزه شرط‌لری‌نین بوتون حساسیت‌لرینی دقته آلا‌راق بوتون تشکیلات‌لار و میللی فعال‌لاری بیرلیگه دعوت ائدیریک. میللی بیرلیگین یولو دئموکراتیک موباریزه پرئنسیب‌لری و سیاسی اخلاقین قبولو ایله مومکون اولجاق‌دیر. ائله بو نوقته‌ده هامینین دئموکراتیک موباریزه پرئنسیب‌لرینی قبولونا دعوت ائدیریک. سیاسی تشکیلات‌لار و میللی فعال‌لار آراسی موناسیبتین دییشمه‌سینی و سالیم بیر مدنی ایرتیباط شیوه‌سی‌نین ایجرا اولماسینی ایستییریک. تشکیلات‌لاریمیز و میللی فعال‌لاریمیز آراسیندا دوستلوق، تولئرانس، سایغی، نزاکت، ادب، اعتیماد اساس اولما‌لی‌دیر. تشکیلات‌لاریمیز و میللی فعال‌لاریمیز بیزیم سرمایه‌میز ویا داها دوغروسو بیزیم هر شئییمیز ساییلیرلار.
بو نقطه ده بعضی مئدیا اورقان‌لاری تاریخی حسساس شرایطی دوشونه‌رک اؤز یایین‌لارینی دئموکراتیک موباریزه پرنسیب‌لری و سیاسی اخلاق اصول‌لارینا دایانا‌راق آپارما‌لی‌دیر. بو ایستیقامتده مئدیا اورگان‌لارینی شخصی چیخارلار اوچون ایشلدیلمه‌سینه سون قویولماسینی ضروری بیلیریک. میللی حرکتین تشکیلات‌لارینا و فعال‌لارینا حاق‌سیز یئره سال‌دیری‌لارین اورتا‌دان قالخماسینی طلب ائدیریک. میللی حرکت ایچری‌سینه حاکم اولمایا چالیشان قورخو ادبیاتین‌دان اوزاق گزیلمه‌سینی و تشکیلات‌لارین دوشونجه صاحب‌لرینی تنقید ائدرکن، اونلارا اخلاق دیشی سال‌دیری‌لاری جدی سورون‌لار حساب ائدیریک. بو وسیلیله بوتون میللی حرکات منسوب‌لارینا اوز توتا‌راق اونلارا سیاسی موناسیبت‌لرینده دوستلوق، تولئرانس، سایغی، نزاکت، ادب، اعتیماد اساس آلما‌لارینی هاوا و سو کیمی واجیب گؤردوگوموزو بیان ائدیریک. بو ایستیقامتده میللی بیرلیگیمیزی، معنوی دیرلریمیزی، دویغوداشلیغیمیزی یوخ ائدن بوتون عامل‌لردن اوزاق دورولماسی گرکدیینه یوکسک سسله دیله گتیریریک. ایندی‌لیک سون جمله‌میز اولا‌راق میللی بیرلیگین اولماسینی ایستییرسک اوندا تخریب، توهین، تحقیر، شانتاژ، ایفتیرا، قارالاما، غیبت، تهدید، یامان-یوغوز و بنزری چیرکین سیاسی عمل‌لردن اوزاق دورمالیییق
هیچ نظری موجود نیست:
ارسال یک نظر