اورمو ایشچیلری :
اورمیه اهالیسینین باغیرتیلاری:
تبریز باشین ساغ اولسون ... اورمیه ده قان گئدیر!
بو گون، بو گئجه، یوزمینلرجه تورک باجی قارداشینیز؛ اورمیه شهرینده، اورمو گؤلو اوچون، بوتون آذربایجان اوچون، یوجه وطنیمز اوچون، فاشیزمین قورشونلارینا میدان اوخورلار، سینه لرینی دوشمنین اوخلارینا قالخان ائدیبلر.
مین بیر نفس، آنجاق بیر سس اولدولار و بیرلیکده باغیردیلار: آذربایجان، سنه جانیمیز فدا.
ای آذربایجان؛
بو گون، بو گئجه، اورومو گئدیرکی آذربایجانین فاشیزمه قارشی قیامینی اینقیلابا چئویرسین.
ای بؤیوک وطن؛
ای تبریز، ای اردبیل، ای زنجان، ای همدان، ای ماراغا، ای اهر، ای سلماس، ای انزلی، ای ساراب، ای کلیبر، ای موغان، ای خالخال، ای قزوین، ای قیدار، ای آستارا، ای خوی، ای مرند، ای سولدوز، ای قوشاچای، ای سایین قالا، ای صوفیان، ای علمدار، ای ابهر، ای گرگر، ای بیناب، ای جولفا، ای آسلاندوز، ای ساوه، ای خرم دره، ای توفارقان، ای اوجان، ای ماکی، ای عربلر، ای مشکین شهر، ای اوسکو، ای سونقور، ای قوروه، ای سویوق بولاق؛ ای خانا،... ای بوتون آذربایجان،ای اودلار یوردونون قهریمان ائولادلاری قالخین آیاغا...
وطن هامیمیزی وظیفه باشینا و اورمو اهالیسینه یاردیما چاغیریر.
بو گون ستارخان، باقیرخان، علی میسیو، حیدرخان عمواوغلی،...
بوگون پیشه وری، فریدون ایبراهیمی نورالله خان یکانی، هامیسی آیاغدا... هامیسی قیامدا
بوگون اورمونون ایالت، عطائی، یوردشاه، پنج راه، زنجیر، صمدزاده، یئددی درمان، آغداش... محله لری، آذربایجانین باش سنگرلرینیه چئوریلیبدیر.
بو گون تومروس آنا، بابک، کوراوغلو، قاچاق نبی، زینب پاشا، تئللی زری، ... هامیسی اورومونون خیابانلاریندا، آذربایجان اوغوللارینین قلبینده مسکن توتوبدور.
بو گون اورمودا و تبریزده، آل قانینا بویانان هر گنجین آناسی تومروزدور آتاسی بابک.
تبریز باشین ساغ اولسون .... اورمیه ده قان گئدیر
قالخ ایاغا یا آزاد اول یا تامام یان آذربایجان
هیچ نظری موجود نیست:
ارسال یک نظر