اورمو ایشچیلری : ایران مجلیسینین اورمو گؤلونون قوروماسینی انگللهمک آماجی ایله سونولان تاسلاغی رد ائتمهسینین آردیندان تورکلر گئنیش بیر گؤستری دوزنلهدیاورمیه و تبریزده کوچهلره تؤکولن یوزلرجه طبیعتسئور، اورمو گؤلونون قوروماسینی انگللهمک اوچون جیدی تدبیرلرین آلینماسینی طلب ائتدیلر.
ایرانین "فارس" خبر آژانسی، گؤستریلری اونایلارکن، قاتیلیمجیلارین ٥۰ نفرلیک "قومیتچی" قروپلاردان اولوشدوغونو ادعا ائتدی.
رسمی اولمایان خبرلرده ایسه اورمیه و تبریزده بؤیوک بیر قالابالیغین گؤسترییه قاتیلدیغی و ایران امنیت گوجلری ایله گؤستریجیلر آراسیندا باش وئرن چاتیشمالاردا یارالیلارین بولوندوغو و بیر چوخ گؤستریجینین توتوقلاندیغی بیلدیریلیر.
آیریجا اورمیه میلت وکیلی و مجلس میللی امنیت کومیسیونو اویهسی جواد جهانگیرزاده، امنیت گوجلرینین اورمو گولونون قورونماسی اوچون گؤستری یاپانلارا شیدت ایشلهدیلمهسینی الشدیرهرک، مسئلهنین سیاسیلشمهمهسی گرکدیگینی وورغولادی.
جهانگیرزادهیه گؤره، اعتراضلارا تپکی گؤسترمک یئرینه، چیخیش یولو آختاریلمالیدیر.
امنیت کومیسیونو اویهلرینین اوندان بو مسئلهیه حساسیت گؤسترمهمهسی ایستهدیگین سؤیلهین جهانگیرزاده، اونا مراجعت ائدنلرین یوزده ۹۹-ونون اورمو گؤلو حاقیندا دانیشدیغینا دا دقت چکیر.
جهانگیرزاده عینی زاماندا خالقین بو سورجی داوام ائتدیرمهسی و مقصده چاتدیماسینی ایستهدی. اونا گؤره، اورمو گؤلونون قوروماسی ایله ایران جیدی یر تهلوکه ایله قارشی قارشییا قالاجاق و دوز گؤلو اکوسیستمی جیدی شکیده ائتکیلهیه بیلهجکدیر.
هیچ نظری موجود نیست:
ارسال یک نظر