بوراسی تبریزین مرکزی زیندانی - محمد علیمرادی

اورمو ایشچیلری : «تبریزین مرکزی زیندانی»، تبریزین راهنمایی¬ آددا اولان منطقه¬سینده یئرله¬شیب¬دیر. بو زیندانین ایکی مین نفر ظرفیتی واردیر. لاکین، اینانیلماز شرایط ده 4500 نفر قادین-کیشی چئشیتلی جورم¬لرله آغیر دورومدا 16 بند ایچینده ساخلانیلیر و دئدیلکلره گؤره 1500 نفردن چوخ زیندانی¬دن ائشیکده «رأی-باز» دوروموندا و یا مرخصی¬ده زامان سوووشدورورلار.
ایلک اؤنجه زیندانین گیریشیندن زیندانا گیرن زامان، هامیدان بارماق ایزی آلینیب، فوتو-شکیل چکیلیب و دوسیالارا وورولور. بو ایشلرین سوره¬جینده اینسان مجبوردور قفس¬ده قورو یئرده ساهاتلارجا اوتورسون و اورادا اولان چالیشان سربازلارین و کادر مأمورلارین توهین و تهدیدلرین ائشیت¬سین و آرد-آردا اخلاقسیز آختاریشلارا معروض قالسین. قرنطینه حبس خانانین بیرینجی بندی¬دیر کی هر کس ایکی-اوچ گون زیندانا گیرنده اورادا قالمالیدیر. بیر نئچه گون اورادا قالاندان

سونرا و جمعیت چوخالاندان سونرا زیندانی¬لر اورادان باشقا بند¬لره بؤلورلر. بو بندین بوتونلوک¬له 20 اوچ قاتلی تختی واردیر (60 نفرلیک) کی زیندانین ان کیفیر و ساغلامسیز یئری ساییلیر و یاشاماق اوچون ان تهلوکه¬لی یئردیر. قرنطینه¬ده ساغلام اینسان¬لار، معتاد و نارکومانلارلا بیر یئرده قالماق مجبوریتیند¬دیرلر و ایتتیهاملارا باخمایاراق بو بنده گیره¬ن هر که¬سین غیربهداشتی شکیلده ساچلاری دیبدن نومره صیفر باش قیرخان ماشینلا وورولور. من و باشقا 14 میللی-سییاسی زیندانی¬نی بو بندده 20 گون ساخلادیلار. بو بندده، دفعه¬لرله معتادلارین تشننوج ائتمه¬لرینی و بیر-بیری ایله موخددیره ماده¬لر استونده ساواشمالارینی گؤردوک. بللی دئییل بو بنده موخددیره مادده¬لر (نارکوتیک¬لر) نئجه گتیریلیر! آما، دؤنه¬لرجه بو مادده¬لرین معتادلار طرفیندن مصرف ائدیلمه¬سی¬نین شاهیدی اولموشوق. چوخ زامانلار بو بنده 60 کیشی یئرینه 140 کیشی¬نی غیراینسانی بیر بیچیمده یئرلشدیریرلر کی 90 نفر باش¬آلتی¬سیز، پتوسوز، و قورو موکت اوستونده یورقان-دؤشک¬سیز یاتماغا مجبور اولورلار. بو بندده گووه¬نلیک کامئراسی و اود سؤندورن وساییط یوخدور. هابئله، توالت¬لرمعتادلار طرفیندن قوللانیلماز حالا دوشوبدور کی چئشیتلی ناخوشلوقلارین یایینلانماسینا شراییط یارادیر. قرنطینه¬ده او قدر محبوسلویا یالنیز 3 توالت واردیر.
اوچ قاتلی اسکی بیر بینانین 2جی قاتی «11جی بند» یا «سه گانه» آدلانیر. بو بینا ائله اسکی¬دیر و ائله کؤهنه¬لیب¬دیرکی بیر 5 ریشترلیکدن آشاغا ده¬پرم و زیلزیله ایله داغیلار و بوتون دوستاقلی¬لارین یاشامینا سون قویا بیلر! 700 نفردن آرتیق زیندانی بو بندده ساخلانیلیرکی دئمک اولار اونلارین 500دن آرتیقی اوغورلوق سوچونا گؤره محکوم اولوبلار. بو اوغرولارین چوخو معتاددیرلار و یاشلاری اکثراً 30دان آزدیر. همین بندده 60 نفردن آرتیق قاتیل (آدام اؤلدورن) محبوس¬دور. بو اینسانلارین چوخونلوغو گنج یاشلی¬دیر کی بعضی¬لری قیصاصا و اعدام اولماغا محکوم ائدیلیب¬لر. من¬له برابر 14 باشقا آذربایجان میللتچی¬سی 15 گون بو بندده ساخلاندیق و اورانین آغیر شراییطینده یاشاماق مجبوریتنیده قالدیق. سه¬گانه بندی 4 اتاق¬دان (سالوندان) تشکیل تاپیب. بو بند هئچ بیر گوونلیک وساییطه مجهز ائدیلمه¬ییب. تصور ائله¬مک چتین دئییل کی بیر یانیق اولایی اوز وئرسه نه¬لر باش وئره بیلر و نئچه محبوسلونون اؤلومو ایله سونوجلانا بیلر.
بو بندده بللی اولمایان یوللار و کاناللاردان نارکوتیک مادده¬لر ایچه¬رییه گلیر کی پوللو اولان معتادلار تهیه ائدیب، چکیرلر، آما، پولسوز معتادلار مختلیف داوا-درمان قورص¬لارینی ازیب، نارکوتیک مادده¬لر یئرینه مصرف ائدیرلر. بو ایمکانی الده ائده بیلمه¬ین معتادلار بیر جنون حالیندا اؤز بدنلرین کسرله (تختلرین دمیرلریندن دوزه¬لن ایتی پیچاقلارلار) کسیب، یارالاییرلار، بونا گؤره کی، درمان اوچون درمان مرکزینه (بهداری¬یه) آپاریلیب، اورادان آغری داواسی آلیب، توختاقلیق اوچون مصرف ائتسین¬لر. بندین ظرفیت¬ین¬دن آرتیق زیندانی اولدوغونا گؤره حبس¬ده اولانلارین 50 فاییزی قورو موکت اوستونده پتو اولمادان یان-یانا آیاق¬قابلارینی (باشماقلارینی) باش آلتینا قویوب، یاتیرلار. بو حالدا و سویوقو بیر دورومدا، چوخلو آدام سویوغا معروض قالیب، خسته¬له¬نیر و بو خسته¬لیک آغیر شراییطه گؤره بیریندن او بیری¬سینه یولوخوب، سرایت ائدیر، و بندین چوخونلوغونون خسته¬لنمه¬سینه باعث اولور. بئله¬نچی بیر دورومدا آیلارلا دؤکتور نوبه¬سینده قالان خسته¬لر، آغیر دورومدا قرار تاپیرلار.
بو بندده ساده¬¬جه هفته¬ده 20 خسته¬نی دؤکتور یا حکیم یانینا آپاریرلار (البته، بئله¬نچی آداملارا دؤکتور و حکیم دئمک حکیم¬لره اهانت ساییلیر!) «مسعود کریمی» آدیندا اولان بیر حکیم (!!!) 7/8/90 تاریخینده یوداشیمیز «فرزاد مهدوی»نی ائله دؤیموشدور کی اونون چیگنی سینمیشدی. سه گانه بندی¬نین توالت¬لری چوخ کؤهنه و قوللانیلماز حالدادیر. 6 تووالت¬دن اوچ دنه-سی تمامی ایله خاراب¬دیر. باشقا اوچونون سقفیندن ده یوخاری قاتین فاضلاب سویو (چیرکابی) دامیر. بو بندین، ال یوما یئری 4 متیردیر (مربع متیر) کی ایکی بؤیوک زیبیل¬قابی دا همین یئرده یئرله¬شیر. بو یئرده 4 دانا سو شیری (قیرناسی) وار کی 700 محبوس اللرین، و پالتارلارین و قاب-قاجاقلارینی اورادا یومالی¬دیرلار. سه¬گانه بندی¬نین حیاطی بوتولوک¬ده 600 متردیر کی 700 کیشی¬نین اورایا چیخدیغی زامان، هر باشا بیر متیردن آز دولانماق اوچون یئر اولور و ساده¬جه بیر یئرده دایانماق مومکوندور!
«مالی بند» یا «8جی بند» کؤهنه بیر تیکینتی¬دیر کی ایکی قاتدان تشکیل تاپیر. 110 نفرلیک اوچ قاتلی تختلرجه ظرفییت¬ی اولان بو بندده 200دن آرتیق کیشی ساخلانیلیر. بو بندین زیندانی¬لری¬نین چوخو مالی سوچلار و یا کبین، نه¬فه¬قه، دییه، و ... اؤده¬مک قرارینا گؤره حبس ائدیلیب¬لر. دئمک اولار تبریز زیندانی¬نین کیفیر بندلرینین ان تمیز بندی بوراسی¬دیر (!!!). بیز 50 گوندن چوخدور کی بو بندده ساخلاییرلار. قالدیغیمیز یئر، بندین آشاغی قاتدا اولان 20 مئتیرلیک بیر یئردیر کی یالنیز 21 کیشی اوچون تخت واردیر و باشقا 16 کیشی یئرده و قورو موکت-فرش اوستونده یاتماق مجبوریتینده¬دیرلر. یئرده یاتانلار اوچون یالنیز 13 متیر یئر واردیر کی هر کیشی¬یه بیر مئتیردن آز یاتماق اوچون یئر واردیر و قیچلاری قاتلایاراق یاتماق مومکوندور و چوخ آغیر بیر دورومو تحمل ائتمک مجبوریتینده¬ییز. بو بندده، دوروم ائله چتین¬دیر کی الده اولان بیر نئچه کیتابی اوخوماق اوچون دینج بیر یئر بئله تاپماق اولمور. بو دورومدا، اؤیرنجی یولداشلاریمیز کیتاب اوخوماق اوچون چوخ آغیر بیر شراییطی تحمل ائدیرلر. خاطیرلاتماق لازیم¬دیر کی تبریزین مرکزی زیندانین¬دا کیتابخانا یوخدور! علاوه ائتمک لازیمدیر کی بو زینداندا دوستاقلی¬لار اوچون هئچ بیر زال و ایدمان ایمکانی دا یوخدور.
زیندان آیین¬نامه¬سی اساسینا گؤره هر زیندنی¬نین مشروط آزادلیق و مرخصی و زیندان¬دان ائشیک¬ده چالیشما حاققی واردیر کی بو حاق سییاسی زیندانی¬لره وئریلمیر. تبریز زیندانین¬دا «حضورو گؤروش» و یا وکیل¬له گؤروشمک ایسته¬ین زیندانی، غیراخلاقی آختاریشلارا معروض قالیب، آنادان دوغما لوت ائدیلندن سونرا هر یئری باخیلیر. هابئله، آغیر شراییط¬لردن بیری او زامان اوز وئریر کی زیندانی¬لری محبس¬دن محکمه¬یه آپاریرلار، و چوخ وحشی داورانیشلارا و غیراینسانی عملل¬لره شاهید اولوروق. زیندانی¬لر جوت-جوت، یا اوچ-اوچ بیر-بیرینه کلفچه¬له¬نیر، سونرا نفس چکمک بئله چتین اولان بیر قفس¬لی مینی¬بوسا میندیریلیب، و زیندانی¬لر ازیلمک-بوغولماق تهلوکه¬لی بیر شراییط ده محکمه¬یه آپاریرلار. مینی¬بوسون تصادوف ائتمه-سینی گؤز اؤنونه آلماق بئله چتین¬دیر! بو آرادا مأمورلار الینده دؤیولوب، و آنا-باجی یامانلارا و چوخ پیس سؤیوشلره معروض قالان محبوس¬لارین حتی اعتراض ائتمه¬یه حاقلاری یوخدور. اعتراض ائدیلمک همن، و باتوم آلتیندا قارالماق همن!
17/06/90 تاریخینده محکمه¬نین ایچینده (!!!)، قاضی¬نین بیر نئچه مئتیرلیگینده مأمورلار الینده قولو باغلی دؤیولدوک کی بو آرادا قادیر نوروزی¬نین خایالاری ازیلیب، علی سیرناکین دیشی سینیب، و منیم قابیرقالاریم قیریلدی. تأسسوفله هفته¬لرجه آغری ایچینده بو دورمدا قالدیق و بیزی حکیمه گؤتورمه¬دیلر. حتی، بیزیم شکایتیمیز سونوجلانمادی و عکسینه بیزی مالی جریمه و شاللاغا محکوم ائتدیلر. بیلیرم کی بو قیسا یازی تبریز زیندانی¬نین آغیر شراییط و دورومونو گؤرستمه¬یه یئترلی اولمایاجاق. آما، هله¬لیک دوروم بئله آغیردیر کی گله¬جک¬ده نه¬لرین باش وئره¬جه¬ییندن خبریمیز بوخدور...

تبریز زیندانی – محمد علیمرادی
26/08/1390