اورمو ایشچیلری :موجته‌هيدي و قره‌جه‌لو كيميله‌رينين ديل آلانيندا آنتي تورك و فارس مركه‌زلي اولمالاري گئرچه‌ييني وورقولامانين باشقا بير گره‌كچه‌سي ده واردير: بو ايكيسي انجمن قلم در تبعيد آزربايجان جنوبي-ايران آدلي بير اولوشومون اويه‌سيديرله‌ر. تكجه موجته‌هيدي و قره‌جه‌لو دئييلدير، بو سؤزده گونئي آزه‌ربايجان`ين قله‌م درنه‌يينه آلينان بير چوخلو شخص، اونلار كيمي نه تك تورك قله‌مي دئييل، بلكه چوخو اصله‌ن قله‌م اهلي ده دئييلدير، سيرادان و شفاهي سيياسي آكتيويستدير. طبيبله‌ر بيرليييني طبيبله‌ر قورماليدير، باققاللار
دئييلدير. باققاللار طبيبله‌ر بيرلييي دييه بير درنه‌ك قورارلارسا سوچ ايشله‌ميش اولارلار، بئله بير شئيه ده ايلك اؤنجه طبيبله‌رين اؤزو ائعتيراض ائتمه‌ليدير. آزه‌ربايجان قله‌م انجومه‌نيني ده توركجه يازيپ توركجه يارادان قله‌م صاحيبله‌ري قورماليدير. تورك خالقينين وارليغي و كيمليييني بيله دانان، توركجه يازيپ ياراتمايان، حتتا قله‌م صاحيبي اولمايانلار دئييلدير. اويسا بو قله‌م درنه‌يي، توركجه يازمايان، توركجه يازماق بيلمه‌يه‌ن، توركجه‌يه يازمايا قارشي اولان، توركجه يازماني آشاغيلايان و مسخه‌ره ائده‌نله‌رده‌ن دولدورولموشدور.بو درنه‌يه اويه اولانلاردان بير چوخو نه تك توركجه يازان و اوره‌ته‌ن قله‌م صاحيبله ري دئييلديرله‌ر، ترسينه فارسجا يازما گره‌كدييينده چوخ ساييدا چيخيش ائتميشله‌ردير. سانكي بونلار آزه‌ربايجان قله‌م درنه‌ييي دئييل، فارسيستان و فارسجانين قله‌م درنه‌يينين اويه‌له‌ريديرله‌ر. اونلار بو چيخيشلاريندا شارلاتانليقلا "تورك قله‌مي اولمايانلارين آزه‌ربايجان قله‌م درنه‌يينده يئري اولماماسي گره‌كير" حاقلي ائعتيراض و سؤيله‌ميني، "سيياسي آكتيويسيتله‌رين فارسجا يازماماسي گره‌كير" كيمي گؤسته‌رمه‌يه چاليشميشلار. اويسا هئچ كيم سيياسي آكتيويست، حتتا دوشونور و آيدين، يازار ايله قوشارلارين فارسجا يازماماسي گره‌كديييني سؤيله‌مه‌يير. سؤيله‌نيله‌ن شئي، قله‌م صاحيبي و تورك قله‌مي اولمايان اصغه‌رزاده، موجته‌هيدي، قره‌جه‌لو، سولطانزاده، صدر، آزادگه‌ر كيميله‌رين، توركجه يازيپ اوره‌تمه‌يه‌نله‌رين آزه‌ربايجان آدلي قله‌م درنه‌يينده يئري اولماماسيدير
هیچ نظری موجود نیست:
ارسال یک نظر