اورمو ایشچیلری :قاراقاشقا :گچه ن ایل تورکیه یه گلدییم زامان انجمن قلم آزربایجان جنوبی یا سورگونده گونئی آذربایجان (ایران) قلم انجومنی‌نین قورولوشونون خبرین آلدیقیمدا چوخ سئوینمیشدیم . فیس بوک یولویلا بو انجمنین هیئت موسس اعضاسیلا تماس توتوب و یازار آدیملا و حقیقی آدیمی وره رک بو انجمن ده عضو اولما ایسته گیمی بیلدیردیم . سایین علیرضا اردبیلی تماس توتوب و بو امردن ایستیقبال اله ییب و بیرسیرا صحبت دن سونرا مندن سوروشدولار سیز غربی آزربایجان کمیته سی و قوروجولاریندان خبرینیز وار می ؟ عرض الدیم شخصا بو کمیته ایله
فیزیکی اولاراق تماسیم یوخدو آمما یازیلاریمدان بیر ایکیسی اونلارین سیته سینده درج اولوب . جناب اردبیلی سونرا بیر اورمیه لی و منیم یاخین دوستومون آدین وره رک ایرتیباطین آدی گچه ن کمیته ایله سوروشدولار. عرض الدیم بله بیر ایرتیباطین اولدوقون بیلمیرم . بو صحبت قوتولدو و سونرادا آردی بوگونه کیمین توتولماییب. خانیم صدیقه عدالتی فیس بوک وسیله سیله منیم آدرسیمی ایسته دی تا دعوت نامه گوندرسینلر تا الیه بیله م ویزا ایشلرین حل ائدم و انجمن قلمین بیریمجی ییغینجاقیندا شیرکت الیه م . هر حالدا او دعوت نامه ده گوندریلمه دی و انجمن قلم ده تشکیل اولدو و البته من بو قورولوش دا ایشتیراکیم اولمادی ، داها سونرا داهئچ بیر ایرتیباطیم بو انجمن له اولمادی. بیر مدت دن سونرا یاواش یاواش بو انجمنین اعضاسی مشخص اولدو و بو ترکیب بعضی شک لریده فیکیر صاحیبی و میللی حرکته منسوب اینسانلاردا اویاندیردی. داها سونرا حورمتلی دوکتور محمد رضا هیئت ین استعفاسی ینی پروبلم لرین چیخماسیندان حیکایت ائدیردی. زامان گوستردیکی بو انجمن بونا رغمن کی چوخ موجه چهرلر او جومله دن دوکتور براهنی ، فرزاد صمدلی ، ایسماعیل جمیللی و بعضی لری اوندا عضو دولر معلوم بیر طیفین مگافونونا چویرلنیب و تک سسلی اولاراق ایدئولوژیک بیر چیخمازا سوروتله نیر. بو قورولوش آدینا رغمن ،چوخ تا سوف له دوست بازلیق ، طیف بازلیق و ایرانچیلیقا چکیلمه یه باشلادی. گچه ن بیر ایلده گرچک دن هئچ بیر مثبت حرکت اوزوندن گوسترمه ییب عکسینه تخریباتا سبب ورمیش دیر. آدی گچه ن طیف همانا سیروس مددی ، لیلا خانیم مجتهدی ، قره جه لو و بیر پارا دیگر اشخاص چوخ تاسف له آذربایجانچیلیق آدی آلتیندا منسوخ اولموش آذری ترمینلرین یاشاداراق میللی حرکته حمله یه مشغول اولوب و اساس فعالیت لرین تورک دوشمانلیقینا معطوف ائدیب و تورکیه ایله دوشمانچیلیقی دولایی یول لاردان باشلاتدیلار. بو انجمن بو طیفین اسیری اولاراق کمونیست ایدئولوژیسینین ورشیکست دوشونجه سی اساسیندا قلمی بیر سیلاح کیمی خالقیمیزا و میللی حرکتین منسوبلارینا چئویرمه یه باشلادیلار. دمه ک اولار بو انجمنین سیته سی میللتیمیزین دیلینه دییل بلکه فارسجا مقاله لرله دولوب داشیب . بو انجمن میلت ، میللی حاکمیت ، میلی جغرافیا میز و وطنیمیزین سینیرلارین چیزیلمه سینه هئچ یاردیم اتمه دن اوز همتین میللی حرکتین اساس لاری و فعال لارینی تخریب اتمه یه جهد گوسترمیشدیر. اله بو فعالیتین ایلک محصولو جناب دوکتور محمد رضا هیئتین بو انجمن دن استعفا سیلا اوزونو گوستردی . سیروس مددی آدی گچه ن طیفین ایدئولوگو اولاراق صحنه یه گچیب و خانیم مجتهدینین اجرا اله دیگی بیر سناریو ایله اورمو ایشچیلری و مشخصن منی هدف توتاراق میلی حرکتی وورماقا باشلادی کی گرکن جاواب دا اورمو ایشچیلری و منیم طرفیم دن تقدیم اولوندو . حمله لر میللی یازار جناب مئهران باهاریا آردی کسیلمه دن و دولایی یول لاردان جناب دوکتور هیئت و وارلیق درگیسینه عاینی حال دا دوام اتمه ک ده دیر. دیگر طرف دن عجاییب قراییب تحلیل و مقاله لرله تورکیه دوشمانچیلیقی دا بو پروسه نین ایچینده دوام ائدیر . بو انجمنین بیر عضوی ایران گلوبال دا تورکیه علیهینه مقاله یازیب و سوریه اولایلارین چارپیرتاراق تورکیه یه ضربه وورماقا ایدامه وردی . نهایت بیر ایکی گون اونجه بیر پالتاک اوتاقیندا و 85 نفرین اشتراکیلا مباحثه لر باشلادیب و ادبیات بحثین بهانه ائدیب آدی گچه ن طیف مستقیماً میللی حرکت ، تورکچولوق و تورکیه نی هدف آلاراق اوز کیرلی اللرین گوستردیلر. آدی گچن پالتاک دا چیخیشچیلارین بیر چوخو (او جومله دن سیروس مددی نین دانیشیقی ) تورکیه و تورکچولوقه قارشی اولاراق دوام اتدی،مشخصن سیروس مددی جناب عاریف کسکینی هدف توتاراق اهانت ضیمنین ده میللی حرکتین اساس لارینا دا هجوم ائدیب و آذربایجان دیلین اونه سوره رک تورک دیلی و تورک هوییه تیله دوشمانچیلیق لارین گوستردی. بو طیفین شعبان بی مخی اولان غلام شامقازان دا اساس سیز بیر گوزاریش یازاراق ایران چی اولان ایران گلوبال سیته سینده فارس ارباب لاریندان دستک آلمایا چالیشاراق حقیقت لری کیذبیله دییشمه یه جهد گوستردی. (حورمتلی اوخویوجولار الیه بیلر لر بو پالتاقین سس قیدلرین خانیم لیلا مجتهدینین صفحه سینده بش قیسمت ده دینله سینلر .)سوزو گچه ن سس قیئدلرین ده سیروس مددی ، عاریف بی کسکینه خطابن دییر: من تبریزی بش دنه تورکیه ایله دییشمم . سوئال بودور : جناب سیروس مددی سیزکی بو قدر وطن سئور سینیز غربی آزربایجانا و کورد تروریسمینه مناسیبتینیز ندیر؟ ندن بو قدر غربی آزربایجان مدافعه کمیته سیله دوشمانسینیز و ندن کورد کمونیست ، ترورچولاریلا موناسیبتینیزی کسه بیلمه ییب و اونلارین قانلی تحرک لارینی قینایا بیلمیر سینیز ؟ گرچک دن سیز غربی آزربایجانی نیه و نه میقدارا ساتماق ایسته ییر سینیز ؟ سیزین تورک دیلی و تورک هویتی و میللی حرکتین تمل لریله دوشمانچیلیقینیز نه نیسبتی ایرانچیلیق لا وار ؟ سیز نیه ایران دان ال چکه بیلمیر سینیز و عینی حالدا مرحوم پیشه وری نین حرکتین ده اوز آدینیزا مصادره اتمه ک ایسته ییر سینیز ؟ سیز و مرکز چی سول دوسلارینیز خلق مسلمان حرکتیله اتدیگینیز دوشمانچلیقلا آزربایجانی بیر مستعمره اولاراق ایران حاکمیتینه تسلیم ائده رک بو گون ده غربی آزربایجانی کورد ترورچیلارینا وریب و تبریزی ده تهران چکمه سی آلتینا سالماق ایسته ییر سینیز .
بو گون انجمن قلم آزربایجان جنوبی یا سورگونده گونئی آذربایجان (ایران) قلم انجومنی یا بو طیفی ایچینده یاشاداراق یانمیش بیر قورولوشا چویریلیب ایغما حالیندا ساده جه بیر سیته اولاراق یاشیاجاق و یا بو کانسری ایچیندن سوکوب آتیب و مترقی قورولوش کیمی حیاتینا ادامه ورجه ک دیر . بو اینتیخاب گرچک دن ده بو انجمنین اعضاسینا باغلیدیر. من بیر شخص ، یازار و مئدیا منسوبو اولاراق آرزو ائدیرم بو انجمن ایکینجی یولو سچسین و بو یولدا حاضیرام هرکسله مناظره ، مباحثه و دانیشیقا گیرم . سانیرام بوتون وطن سئور آزربایجانلی ضیالیلار دا منیم آرزیم دا شریک دیلر. من بو ساعات دان سونرا هر جوره مماشات ، سیاست بازلیق و یالانچی مصلحت گوزارلیقی میللی حرکته خیانت بیلیب و توم وطن سئودالیسی اولان یازار و ضیالیلاردان ایسته ییرم بو ایستالینچی ، ایرانچی ماسکله لی شارلاتان لاری روسوای اتسینلر.
تایماز اورمولو 11سپتامبر 2012
هیچ نظری موجود نیست:
ارسال یک نظر