اورمو ایشچیلری : جوما گونو (13 آبان – 4 کاسیمنویابر) اسکی شهیر تپه باشی اؤزدیلک کولتور و صنعت مرکزینده دوزنلنن "گونئی آزربایجان؛ دونو و بو گونو" قونولو کونفرانس داوود بی تورانین چیخیشی ایله گرچکلشدی.
آزربایجان میلی دیرنیش تشکیلاتی سؤزجوسو و گوناسکام باشقانی داود توران دانیشیغیندا آزربایجان میلی حرکتی، کئچن یوز ایلده آزربایجان تورک میلتینین ملی موباریزسی، 1906 مشروطیت حرکتی، 1920 خیاوانی حرکتی، 1945 آزربایجان میلی حؤکومتی و 1979 آیت االله شریعتمداری خلق موسلمان حرکتینی آچیقلادی. 1990لاردا ساوئتلر بیرلگینین چؤکمه سی ایله قوزئی آزربایجان جومهوریتینین باغیمسیزلیغی و اؤلومسوز اؤندر ابولفضل ائلچی بی میلی چیخیشلارینین گونئی آزربایجان گنجلرینین میلی روح و میلی کیملیکلرینه صاحیب چیخمالاریندا بؤیوک رول اوینادیغینا ایشاره ائدن داود توران داها سونرا بابک
قالاسی قورولتایلاری، 2006 آیاقلانماسی و تراختور تیمینین یاریشمالاریندا گنجیلر طرفیندن یورودولن میلی موجادیله نی وورغولایاراق آزربایجان میلی حرکتینین گلیشمه سورجینی ایضاح ائتدی. آزربایجان میلی دیرنیش تشکیلاتی سؤزجوسو و گوناسکام باشقانی داود توران دانیشیغیندا آزربایجان میلی حرکتی، کئچن یوز ایلده آزربایجان تورک میلتینین ملی موباریزسی، 1906 مشروطیت حرکتی، 1920 خیاوانی حرکتی، 1945 آزربایجان میلی حؤکومتی و 1979 آیت االله شریعتمداری خلق موسلمان حرکتینی آچیقلادی. 1990لاردا ساوئتلر بیرلگینین چؤکمه سی ایله قوزئی آزربایجان جومهوریتینین باغیمسیزلیغی و اؤلومسوز اؤندر ابولفضل ائلچی بی میلی چیخیشلارینین گونئی آزربایجان گنجلرینین میلی روح و میلی کیملیکلرینه صاحیب چیخمالاریندا بؤیوک رول اوینادیغینا ایشاره ائدن داود توران داها سونرا بابک
"گونئی آزربایجاندا میلی حرکت تشکیلاتلانمالی و اورگانیزه اولماغی اؤنمسمه لیدیر. آزربایجان میلی حرکتینده چئشیدلی تشکیلاتلارین وارلیغی حرکتیمیزه بؤیوک بیر قازانجدیر و میلی حرکتین دیش قولو بؤیوک گؤرو داشیماقدادیر" شکلینده فیکیر بیلدیرن داود توران گونئی آزربایجانین ان اؤنملی سورونلاریندان بیرسی "اورمو گؤلو"نون قورودولماسینا توخوناراق تورکیه و دونیا مئدیاسیندان بو چئوره فلاکتینی گوندمه گتیرمه سینی ایسته دی. او حابئله گونئی آزربایجانین سیاسی زیندانیلری او جومله دن سعید متین پور، عباس لسانی، عزیزپورولی و... آدلارینی چکرک تورک مئدیاسی و دونیا اینسان حاقلاری قورولوشلارینی بو مساله یه سسیز قالماماغا چاغیردی.
داها سونرا اسکی شهیر "تورک اوجاغی" باشقانی پروفسور ندیم اونال چیخیش ائدرک آزربایجانین تورک دونیاسیندا نه قدر اؤنملی اولدوغونا ایشارت ائدرک بوتون تورک گنجیلرینی "واحید آزربایجان"ین یارانماسی اوچون جهد گؤسترمگه چاغیردی. آیرجا آنادولو تورکلرینین اورمو گؤلؤ مساله سینده سوسقون قالمالارینی تنقید ائدرک "بیز تورک اوجاغی اولارق بو مساله نین آرخاسینی توتوب اورمو گؤلونون قورودولماسینی دونیا اجتماعیاتینا داشیماقدا بوتون وارلیغیمیزلا چالیشاجاغیق" دییه دانیشدی.
کونفئرانسا اسکی شهیر تورک اوجاغی، اولکو اوجاغی، بؤیوک شهر بلدیه سی، قوزئی و گونئی آزربایجانلی اؤیرنجی و بیلیم یوردو اوستادلاریندان چوخ ساییدا ایشتیراکچی قاتیلمیشدی. ائله جه ده آنادولو و جیهان خبر آژانسلاری، یئنی شفق و یئرل قزئته لرده کونفرانسدا ایشتیراک ائتمیشدیلر.
شکیللری آلتداکی لینکدن الده ائده بیلرسیز:
http://www.facebook.com/media/set/?set=a.212859358787283.51982.100001896603394&type=3
هیچ نظری موجود نیست:
ارسال یک نظر